الناس كلها بتسأل حاليا عن مصير الدهب خصوصا أنه في الفترة اللي فاتت حقق مكاسب كبيرة جدا.. هل يا تري الدهب هيكمل رحلة الصعود ولا الأسعار هترجع تنزل تاني.. لو عايز تعرف كل ده شوف الفيديو ده للاخر.

من فترة طويلة وأسعار الدهب في مصر بدأت رحلة الصعود وحاليا  عيار 21 واللي هو الأكتر مبيعا في مصر خصوصا في القري والمحافظات وصل لارقام موصلش لها من قبل القرارات الأقتصادية اللي قامت بيها الحكومة في شهر مارس اللي فات والخاصة بتعويم الجنيه وده القرار اللي قضي علي وجود السوق السودا في التجارة بالعملات الأجنبية بشكل كامل في مصر

دلوقتي الدهب حقق مكاسب كبيرة جدا للناس اللي استثمرت فلوسها في المعدن النفيس، والناس كلها بتسال عن مصير الأسعار في الفترة اللي جاية من 2024 خصوصا بعد قرار البنك المركزي بتثبيت سعر الفايدة في الـ3 شهور اللي باقيين من السنة الحالية، والناس متخوفة من عودة هبوط الأسعار مرة تانية، والناس اللي عايزة تشتري بتسال علي الأسعار علشان يأخروا قرارات الشراء في الوقت الحالي لحد ما الاسعار تنخفض شوية كده ويرجعوا يستثمروا فلوسهم في الدهب .

طيب ايه هيا توقعات أسعار الدهب في الشهور اللي جاية من سنة 2024؟.

شعبة الدهب توقعت استمرار ارتفاع اسعار المعدن الأصفر في الـ3 شهور اللي باقيين من سنة 2024، خصوصا بعد قرار البنك الفيدرالي الأمريكي لسعر الفايدة بمقدار 50 نقطة لأول مرة من 4 سنين ده غير التوقعات اللي بتأكد وجود مزيد من خفض الفايدة في الايام اللي جاية، والتوقعات اللي بتاكد كمان صدور قرار من البنك المركزي المصري بخفض اسعار الفايدة عندنا هنا في مصر، وده هيخلي اسعار الدهب في مصر ترتفع بدرجة كبيرة وتوقعوا ان اسعار الذهب تعدي اكتر من 4 آلاف جنيه قبل نهاية السنة الحالية.

شعبة الدهب كملت كلامها وقالت إن اقبال المستثمرين علي الشراء هيرفع من اسعاره بشكل كبير في الفترة اللي جاية، بسبب اتجاه الفيدرالي الأمريكي لخفض سعر الفائدة، خصوصا أن العلاقة بين الذهب والدولار علاقة عكسية، وكل ما سعر الدولار  الدولار ينخفضعالميا فسعر الذهب بيزيد والعكس صحيح، وخفض سعر الفايدة على الدولار هيؤدي لخفض قيمة الدولار مقابل العملات التانية بسبب انخفاض الطلب عليه، وده هيؤدي لزيادة أسعار الدهب نتيجة زيادة الطلب من المستثمرين والبنوك المركزية خصوصا مع استمرار التخوف من التوترات الجيوسياسية عالميا .

الشعبة قالت كمان، أن الدهب بيعتبر هو الملاذ الآمن ضد التقلبات، وقادر في اي وقت علي حفظ قيمة الفلوس للمستثمرين، ومع انخفاض سعر الفائدة البنوك بتخسر جزء كبير من عملائها نتيجة اتجاهمم لاستثمرار فلوسهم في الذهب وده اللي مخلي في اقبال كبير من الناس علي محلات الصاغة لشراء المشغولات الذهبية .