مصر من فترة طويلة وعندها أزمة في توفير البترول، وللاسف اضطرت أنها تحصص مبالغ دولارية كبيرة لتعويض النقص ده.. لكن الحكومة بدأت تعلن خطوات حفض استيراد الغاز والمازوت.. وده هيقلل الاستيراد وهيزود كمان التصدير.. ياتري اية اللي عملته مصر في مجال البترول.. وازاي مصر هتحقق المعادلة الصعبة وتتجه لتصدير البترول

كلنا عارفين أن مصر كان عندها أزمة بسبب نقص البترول والغاز الطبيعي اللي بتطلعه من الآبار خصوصا حقل ظهر، وده دفع الحكومة أنها تتعاقد علي شراء كميات كبيرة من المازوت والغاز الطبيعي علشان تحل أزمة انقطاع التيار الكهربائي واللي كانت مصر بتعاني منها علي مدار شهور طويلة.
طيب اية اللي مصر عملته علشان تحل أزمة نقص البترول والغاز الطبيعي؟.
وزير البترول والثروة المعدنية كريم بدوي، قال أن مصر كان عندها تباطؤ في عجلة الإنتاج والاستكشاف بسبب زيادة مستحقات الشركاء الأجانب بسبب الفجوة اللي موجودة بين سعر البيع والتكلفة، ده غير ارتفاع مستويات استهلاك الطاقة مع تزايد سعر الطاقة بشكل عالمي واللي تزامن مع ارتفاع سعر الصرف عندنا هنا في مصر، وكل العوامل دي تسببت في تناقص الإنتاج وتوقف أنشطة الحفر الجديدة، وزيادة الفاتورة الاستيرادية والضغط على العملة الصعبة، وتراكم مستحقات الشركاء عند الوزارة .
،
وزير البترول كمل كلامه وقال ان الدولة بدأت خطة زيادة الأنتاج والأكتشافات بتسديد دفعات دورية لمستحقات الشركاء وتوفير تدفقات نقدية مستقرة، علشان يحصل تنمية للإنتاج والبحث والاستكشاف، وكمان الدولة طرحت حزمة تحفيز استثمارية مقرونة بتسعير أكثر مرونة لجذب مستثمرين جدد، وده نتج عنه تقليل الفجوة الاستيرادية وتخفيض تكاليف توفير المنتجات.
بدوي قال ان الخطوات اللي قامت بيها الدولة زودت عدد الشركات العاملة في مجال البحث والاستكشاف والإنتاج لـ٥٧ شركة، منهم 8 شركات من كبريات الشركات العالمية و6  شركات مصرية متخصصة، وأكثر من ١٢ شركة عالمية متخصصة في مجال الخدمات البترولية والتكنولوجية .
وزير البترول قال كمان، أن الدولة وجهت الدعوة لأكتر من 20 مستثمر مصري كانوا شغالين في الخارج للدخول للاستثمار في مجال تنمية الحقول المتقادمة لزيادة الإنتاج، وحاليا وصل الإنتاج لـ 1.4 مليون برميل زيت يومي، وحاليا الوزارة شغالة علي زيادة معدلات الإنتاج لتحقيق الاكتفاء الذاتي وخفض التكلفة الاستيرادية، الدولة نجحت في اضافة 30 ألف برميل زيت يوم و133 مليون قدم مكعب يوم في الربع الأول من العام الحالي.
وزير البترول طمن المصريين علي انتاج حقل ظهر وقال أن شركة إيني الإيطالية بدأت تستأنف أعمال الحفر في الحقل، وهيتم حفر بئرين جداد وده بهدف الرجوع بخطة الإنتاج لما قبل توقف أعمال الحفر وهيوصل الإنتاج لـ220 مليون قدم مكعب يومي .