أكتر من 42 مليون مواطن مصري عندهم حسابات في البنوك، بالتأكيد يتعاملوا بشكل شبه يومي مع عمليات السحب والإيداع والذي منه، عشان كده لو حضرتك لو بتسحب فلوس كتير، فهنقولك على حدود السحب اليومي.

لو بتستخدم ماكينات الصراف الآلي الـATM وتطبيق "إنستاباي"، فحدود  السحب النقدي اليومي، وفقاً للبيانات الصادرة من جانب البنك المركزي المصري، فهي 250 ألف جنيه في اليوم ، بعد ما كانت 150 ألف جنيه.

والبنك المركزي، رفع البنك المركزي، في شهر أبريل الماضي، حدود السحب النقدي اليومي من داخل أفرع البنوك العاملة في السوق المصرفية المصرية، عشان يحقق متطلبات العملاء.

أما بالنسبة لماكينات الـATM، فالحد الأقصى لعمليات السحب النقدي بالعملة المحلية هو 30 ألف جنيه، بدل من 20 ألف جنيه، لأن طبعا الـATM شغالة على مدار الـ 24 ساعة.

نيجي للإنستاباي، فالحد  الأقصى للمعاملة المالية هو 70 ألف جنيه، ووصل حد الخصم اليومي من البنك الواحد 120 ألف جنيه، والخصم الشهري من البنك الواحد 400 ألف جنيه.

فلو حضرتك ناوي تسحب فلوس كتير من حسابك البنكي، حدد الوسيلة اللي متناسبة معاك وتوكل على الله.