كعادتها، عادت جهاد، زوجة عصام صاصا برسائلها الغريبة والمؤثرة التي تشاركها مع الجمهور عبر حسابها الرسمي بموقع تبادل الصور والفيديوهات انستجرام، والتي تتحدث فيها عن زوجها عصام صاصا والذي رفض استئنافه أمس أمام المحكمة وعن شعورها القاسي بهذا الأمر.

زوجة عصام صاصا بعد تأييد حبسه: خدت منوم عشان أنام طول اليوم 

وشاركت زوجة عصام صاصا فيديوهات وصور لها لحظة استيقظاها من النوم في نص الليل، وعلقت عليها في منشور رصده موقع تحيا مصر: من ساعة ما رجعت من الجلسة واخدة منوم ونايمة، صحيت مش مصدقة أن ده حصل.

وتابعت: أنا بجد عندي حالة صدمة وعايزة أنزل من البيت ومش عارفة اروح فين!

زوجة عصام صاصا: ربنا ينتقم من كل واحد السبب في اذيتك

وكانت قد كتب جهاد، زوجة عصام صاصا قبل هذا الأمر: ربنا ينتقم من كل واحد السبب في اذيتك يا حبيبي، كل ده بسبب  انك جدع في بلد مينفعش فيها اللي شبهك يا حبيبي، حسبنا الله ونعم الوكيل في كل واحد ليه يد في ظلمك وعشانك ممكن احارب الدنيا كلها، ونفسي أشوف حد بيغلط فيه تاني أو بيشتم.

وسبق وخرجت جهاد في فيديو بعد انتهاء محاكمة زوجها عصام صاصا مباشرة، وقالت: طبعا انتو اكيد مستغربين إني ازاي خرجت من المحكمة على طول وبدون ما أعيط، بس انا وعدت عصام إني هبقى متماسكة، وعصام كان عارف أنه هيتمأن عليه يعني مش صدمة بالنسبة لينا، أما عمل الحادثة وقف مع إنه مكنش غلطان ده على الطريق الدائري يعني اللي جاي عليه هو اللي غلطان ووقفنا مع الناس وإدناهم مبلغ كبير والمتطوع خد فلوس وصاصا طلب الإسعاف ليهم واتكفل بكل حاجة، مع أنه ملهوش ذنب في حاجة.

زوجة عصام صاصا: مكنش شارب حاجة وقت الحادثة وده مثبوت في ورق التحقيقات

وأضافت زوجة عصام صاصا: ولما عمل الحادثة مكنش شارب كان في وعيه وده شهادة الظابط ومكنش معاه حاجة في العربية وكل ده مكتوب في ورق التحقيقات، عشان الناس اللي كانت بتقول أنه متعاطي، عصام كان معاه 3 غيره كلهم استنئنافهم اتقبل الا عصام.