ذا لك فترة ما مريت شمال الرياض فـ فيه احتمال كبير إنك بتضيع شوي.. مو لأن الطرق تغيرت ولكن لأن فيه برج جديد طلع
وإذا جلست تفكر بينك وبين نفسك وقلت “لحظة.. هذا ما كان موجود الأسبوع اللي راح؟” فغالبًا إحساسك في مكانه لأن الرياض فعلًا قاعدة تكبر بسرعة جنونية وصار طبيعي كل فترة نشوف مشروع جديد يرتفع أو رافعة تبدأ شغلها أو واجهة برج تكتمل فجأة!
وش سالفة أبراج الرياض؟ كل أسبوع يطلع واحد جديد
حيّ كامل تحيط به الأبراج
حيّ الصحافة… الحي اللي كان معروف بالفلل والمباني المتوسطة اليوم صار واحد من أكثر الأحياء اللي تحيط فيه الأبراج من كل جهة: مكاتب، مقرات شركات، مشاريع متعددة الاستخدامات، وفنادق، وكل شهر تقريبًا يطلع مشروع جديد يخليك تقول “وش هذا بعد؟”
ولو كملت على طريق الملك سلمان، بتحس إنك تمشي داخل معرض معماري مفتوح
كل شوي يطلع لك برج جديد لكن الجميل إنك ما تحس إنها أبراج متنافرة أو كل واحد بتصميم مختلف بشكل عشوائي بالعكس لأن كل المشاريع الجديدة على الطريق صارت تمشي على الطراز السلماني اللي يجمع بين الحجر الطبيعي والزجاج والخطوط الهادئة ويخلي المباني الحديثة محافظة على هوية الرياض بنفس الوقت
وش سالفة أبراج الرياض؟ كل أسبوع يطلع واحد جديد
وش سالفة أبراج الرياض؟ كل أسبوع يطلع واحد جديد
يمكن قبل سنوات إذا أحد قال “ناطحات سحاب بالرياض” أول شيء يجي ببالك طريق الملك فهد
اليوم المشهد تغير وصار أكبر بكثير بحيث طريق الملك سلمان قاعد يتحول إلى واحد من أهم محاور الأعمال في العاصمة وكل ما تفتكر إن المنطقة اكتملت… يطلع إعلان عن برج جديد أو تبدأ حفريات مشروع جديد أو تشوف هيكل مبنى كان أمس مجرد أرض فاضية
هذا مو مجرد سباق على الارتفاع
الفكرة إن الرياض قاعدة تبني مدينة تستوعب ملايين السكان الجدد ومقار شركات عالمية واستثمارات ضخمة خصوصًا مع مستهدفات رؤية 2030 ونقل كثير من الشركات الإقليمية لمقارها في العاصمة لهذا السبب الأبراج ما صارت مجرد مباني جميلة للتصوير بل صارت جزء من اقتصاد المدينة بحيث كل برج جديد يعني مكاتب أكثر، وظائف أكثر، شركات أكثر، ومطاعم ومقاهي وخدمات تتحرك حوله وتخلق حياة كاملة في المنطقة
وش سالفة أبراج الرياض؟ كل أسبوع يطلع واحد جديد
وش سالفة أبراج الرياض؟ كل أسبوع يطلع واحد جديد
يمكن أكثر شيء يخليك تستوعب حجم التغيير إنك ترجع لصور شمال الرياض قبل عشر سنوات، ثم تطالعها اليوم… الفرق مو بسيط بل أن الأفق نفسه تغير ويمكن بعد خمس سنوات بنرجع لهذا اليوم ونقول “تذكرون يوم كنا مستغربين من عدد الأبراج؟”
لأن الأغلب… اللي شفناه إلى الآن مجرد البداية
Post Views: 5
